Fish Box Baku

Dəniz mənzərəsindən zövq almaq, günəş vannası qəbul etmək, müəllif mətbəxinin xüsusi təamlarını və imza kokteyllərini dadmaq – bütün bunlar Fish Box restoranının unikal atmosferinin ayrılmaz hissəsidir.

Restoranın dizaynı dəniz çalarları və təbii ağac elementlərinin harmonik vəhdəti üzərində qurulub. Layihənin fəlsəfəsi sadədir: yüksək keyfiyyətə sevgi və hər detalda yaradıcı yanaşma. Fish Box qonaqların həm zərif səhər yeməyi, həm doyumlu nahar, həm də ailə və dostlarla yaddaqalan şam yeməyi keçirə biləcəyi əsl qastronomik məkandır.

İki mərtəbədən ibarət Fish Box dəniz konteynerləri əsasında inşa edilib. Restoranın iki zalı və Xəzər dənizinə möhtəşəm mənzərə açılan geniş terrasında eyni anda 200-ə yaxın qonaq qəbul edilə bilər. Bundan əlavə, müxtəlif tədbirlərin keçirilməsi üçün 10 və 15 nəfərlik iki VIP zal da mövcuddur.

Menyuda təqdim olunan bütün yeməkləri evə çatdırılma xidməti vasitəsilə də sifariş etmək mümkündür.