F.U.M.E

Bakıda tanınmış restorator və developer Emin Ağalarovun yeni layihəsi fəaliyyətə başlayıb.

İngilis dilindən tərcümədə “tüstü” mənasını verən F.U.M.E. adında layihənin əsas ideyası gizlənib: F – fresh (təzə), U – unique (unikal), M – modern (müasir), E – eastern (şərq).

Servisin komandasında peşəkar qəlyançılar çalışır. Onlar istənilən tədbirdə səyyar qəlyan barı təşkil edərək xüsusi atmosfer yarada bilirlər. Menyuda klassik qarışıqlar təqdim olunur. Məsələn, buzlu ananas, kivi və nanə dadlarını birləşdirən Baku Night, eləcə də Amerika piroqu və karamel notları ilə seçilən California. Bundan əlavə, meyvə üzərində hazırlanan və premium tütünlə təqdim olunan qəlyanlar da mövcuddur.

Hazırda F.U.M.E. qəlyan katerinq xidməti AgalarovRest holdinqinin Bakıdakı layihələrində fəaliyyət göstərir. Yaxın planlara şəhərin digər restoranlarına çıxış və Moskva bazarında fəaliyyətə başlamaq daxildir.