Shore House Baku

Shore House restoranının interyeri səmimi söhbətlər, rahat nahar və şam yeməkləri, eləcə də xoş görüşlər üçün ideal atmosfer yaradır. Burada təqdim olunan zəngin səhər yeməkləri ailə ənənəsinə çevrilir, həftə sonları təşkil olunan uşaq master-klassları isə ailə ilə birlikdə keyfiyyətli vaxt keçirmək üçün gözəl fürsət yaradır.

Shore House-un menyusu sadəliyi və yüngüllüyü ilə seçilsə də, onun arxasında yüksək peşəkarlıq və keyfiyyət standartları dayanır. Təamların hazırlanmasında yerli məhsullardan istifadə olunur. Qonaqlar qəlyanaltı olaraq qara və ya qırmızı kürü, balıq assortisi və ya Qafqaz pendirləri assortisini seçə bilərlər. Şərq mətbəxinin zəngin ləzzətləri "Manqal" və "Çoban" salatlarında öz əksini tapır. İsti qəlyanaltılar bölməsində isə həm dəniz məhsulları – pələng krevetləri və kalmar, həm də Azərbaycan mətbəxinin sevilən təamları – quzu əti ilə xəngəl, gürzə, düşbərə və qutablar təqdim olunur.

Əsas yeməklər bölməsi Qafqaz mətbəxinin əsl ensiklopediyasıdır. Burada dolmadan qovurmaya, iki nəfərlik şah plov və albalılı plov da daxil olmaqla altı növ plova, müxtəlif növ sac yeməklərinə və tandırda bütöv quzu hazırlanmasına qədər zəngin seçim mövcuddur.

Müxtəlif desertlər, geniş alkoqolsuz içkilər seçimi, klassik və müəllif kokteylləri, zəngin şərab kolleksiyası və qəlyan menyusu, bütün bunların Xəzər dənizinə açılan möhtəşəm mənzərə ilə tamamlanması Shore House restoranını Bakının ən cəlbedici və atmosferi ilə seçilən məkanlarından birinə çevirir.